Ukrayna Prezidenti sülh danışıqlarına hazır olduğunu bəyan edib
Ukrayna Prezidenti Volodimir Zelenski 12 mayda atəşkəs olacağı təqdirdə Kiyevin Rusiya ilə danışıqlara hazır olduğunu bəyan edib.
“Rusların nəhayət müharibəni bitirmək barədə düşünməsi yaxşı əlamətdir. Dünyada hər kəs bunu çoxdan gözləyirdi. İstənilən müharibəni həqiqətən bitirmək üçün ilk addım atəşkəsdir. Bir gün də olsa öldürməyi davam etdirməyin mənası yoxdur. Biz gözləyirik ki, Rusiya sabahdan, mayın 12-dən etibarən atəşkəsi tam, davamlı və təhlükəsiz şəkildə təsdiqləyəcək. Ukrayna görüşməyə hazırdır”- Zelenski bildirib.