Sadin Əsgərov Baş Dövlət Yol Polisi İdarəsində şöbə rəisi təyin edilib
Daxili İşlər Nazirliyində yeni kadr dəyişikliyi baş verib. AYNA xəbər verir ki, Daxili İşlər naziri, general-polkovnik Vilayət Eyvazovun əmri ilə, polkovnik-leytenant Sadin Əsgərov Baş Dövlət Yol Polisi İdarəsinin (BDYPİ) Yol Patrul Xidməti şöbəsinin rəisi təyin edilib.
Qeyd edək ki, bu vəzifəni indiyədək Kamran Əliyev yerinə yetirirdi. Ötən günlərdə o, BDYPİ-nin İctimaiyyətlə əlaqələr şöbəsinin rəisi vəzifəsinə təyin olunub. İctimaiyyətlə əlaqələr şöbəsinin rəisi, polis polkovnik-leytenantı Rüfət Quliyev isə Kadrlar İdarəsinə rəis gətirilir.