Suriya ordusuna aid 4 tank, 5 top, 3 zirehli texnika və 3 tank əleyhinə minaatan məhv edilib
Türk ordusunun İdlibdə Suriya ordusuna qarşı başlatdığı “Bahar qalxanı” əməliyyatı davam edir. AYNA xarici mətbuata istinadən xəbər verir ki, Türkiyə Silahlı Qüvvələri (TSQ) son 24 saat ərzində Suriya ordusuna aid 4 tank, 5 top, 3 zirehli texnika və 3 tank əleyhinə minaatanı məhv edib və 184 hərbçini zərərsizləşdirib.
Türkiyə Müdafiə Nazirliyi tərəfindən verilən açıqlamada əməliyyatın gecə saatlarında yerdən və havadan həyata keçirildiyi bildirilib.
Bundan əlavə, Suriya ordusunun “Pələng” briqadasının komandiri Süheyl Salman əl-Həsənin TSQ-nın Serakibə təşkil etdiyi hava əməliyyatında ağır yaralandığı qeyd olunub.