Məqsəd Amerika kino sənayesini qorumaqdır
Ağ Ev administrasiyası xarici kinematoqrafiyaya 100 faiz gömrük rüsumları tətbiq edir. AYNA.AZ xəbər verir ki, bu barədə bazar günü ABŞ Prezidenti Donald Tramp bəyan edib.
"Amerikada kino sənayesi çox sürətlə ölür. Digər ölkələr kinorejissorlarımızı və studiyalarımızı ABŞ-dan uzaqlaşdırmaq üçün hər cür təşviqlər təklif edir. ABŞ-da “Hollivud” və bir çox başqa sənayelər iflas edir. Bu, milli təhlükəsizliyə təhdiddir. Hər şeydən başqa, bu, həm də məlumatların yayılmasıdır. Ticarət nümayəndəsi ölkəmizə gələn və başqa ölkələrdə istehsal olunan bütün filmlərə 100 faizlik gömrük rüsumunun tətbiqi prosesinə dərhal başlamalıdır”, - deyə dövlət başçısı qeyd edib.