Görüş ABŞ liderinin Səudiyyə Ərəbistanına səfəri zamanı baş tutacaq
ABŞ Prezidenti Donald Tramp Səudiyyə Ərəbistanına səfəri zamanı vəliəhd şahzadə Məhəmməd bin Salmanla görüşəcək.
AYNA.AZ bildirir ki, “The Jerusalem Post” Fələstin mənbələrinə istinadən Trampın Məhəmməd bin Salmanla görüşündə Fələstin Prezidenti Mahmud Abbas və Suriya Prezidenti Əhməd al-Şaraanın da iştirak edəcəyini yazıb.
Qeyd edək ki, Donald Trampın Yaxın Şərqə səfərində məqsəd Körfəz ölkələrindən ABŞ-a investisiya cəlb etmək, Qəzza sektorunda atəşkəsə nail olmaq və İranın nüvə ambisiyasına qarşı çıxmaqdır.