"Coronovac"ın effektivliyi 92, təsir müddəti minimum 1 ildir
Tibbi Ərazi Bölmələrini İdarəetmə Birliyi (TƏBİB) Azərbaycanda istifadə edilən koronavirus vaksininin effektivliyinin müddətini açıqlayıb.
AYNA xəbər verir ki, TƏBİB-in “Facebook” səhifəsində verilən açıqlamaya görə, Türkiyədə aparılan tədqiqatların nəticələrinə əsasən, vaksinin effektivliyi 92 faizdir.
“Peyvəndin insanda yaratdığı immunitetin minimum müddəti isə 1 ildir. Maksimum müddət isə hələ təsdiqlənməyib”, - deyə qeyd olunub.
Xatırladaq ki, Türkiyə ilə yanaşı, Azərbaycan vətəndaşları da Çin istehsalı olan "Coronovac"la peyvəndlənirlər.