Hadisə Kimyaçılar qəsəbəsində qeydə alınıb
Sumqayıtda qətl hadisəsi baş verib. Hadisə Kimyaçılar qəsəbəsində qeydə alınıb. 34 yaşlı Yeganə Atakişiyeva həyat yoldaşı İlkin Atakişiyev tərəfindən öldürülüb.
AYNA.AZ APA-ya istinadən xəbər verir ki, ilkin Atakişiyevin daha sonra özünü öldürdüyü bildirilib. İlkin ehtimala görə, hadisə qısqanclıq zəminində baş verib. Əraziyə polis və prokurorluq əməkdaşları cəlb edilib.
Sentyabrın 16-da Sumqayıt şəhəri Kimyaçılar qəsəbəsi ərazisində yerləşən yaşayış evlərindən birində 2 şəxsin ölməsi barədə şəhər prokurorluğuna məlumat daxil olub. AYNA.AZ xəbər verir ki, bu barədə Sumqayıt şəhər prokurorluğunun məlumatında bildirilib.
Qeyd edilib ki, araşdırma zamanı 1987-ci il təvəllüdlü İlkin Atakişiyevin ailə münaqişəsi zəminində arvadı 1989-cu il təvəllüdlü Yeganə Atakişiyevaya bıçaqla xəsarət yetirərək qəsdən öldürməsi, daha sonra özünə bıçaq xəsarəti yetirərək intihar etməsinə əsaslı şübhələr müəyyən edilib.
Faktla bağlı Sumqayıt şəhər prokurorluğunda Cinayət Məcəlləsinin 120.1 (qəsdən adam öldürmə) və 125-ci (özünü öldürmə həddinə çatdırma) maddələri ilə cinayət işi başlanaraq istintaq aparılır.