“Nümayiş atəşi düşmənlərimizə bizə toxunsa, hansı nəticələrlə üzləşəcəklərini göstərəcək”
Cənubi Koreya Silahlı Qüvvələrinin hərəkətlərinə cavab olaraq, Şimali Koreya ultra iri çaplı reaktiv yaylım atəşi sistemlərinin (MLRS) iştirak etdiyi atəş nümayişi keçirib. AYNA xəbər verir ki, bu barədə Şimali Koreya Mərkəzi Teleqraf Agentliyi (KCNA) məlumat yayıb.
Bildirilib ki, atışda məqsəd “hüququndan istifadə edərək, istənilən vaxt qabaqlayıcı zərbədən belə imtina etmədən, fövqəlqüdrətli və böyük hərbi vasitələrlə dövlətin suverenliyini və təhlükəsizliyini təmin etmək iradəsini nümayiş etdirmək idi. Şimali Koreyaya qarşı düşmənlərin hərbi qüvvələrdən istifadə etməsi halında özünümüdafiə məqsədi ilə istifadə ediləcək”.
Qeyd olunub ki, Şimali Koreya lideri Kim Çen İn “şəxsən atış əmrini verib və ona yerindəcə nəzarət edib”.
“O, birmənalı şəkildə bildirdi ki, nümayiş atəşi düşmənlərimizə bizə toxunsa, hansı nəticələrlə üzləşəcəklərini göstərəcək”, – KCNA yazıb.