Milli Məclis Sədri TBMM Sədrinin rəhbərlik etdiyi nümayəndə heyətini qəbul edib
Azərbaycan Milli Məclisinin Sədri Sahibə Qafarova Türkiyə Böyük Millət Məclisinin (TBMM) Sədri Mustafa Şentopun rəhbərlik etdiyi nümayəndə heyəti ilə görüşüb. Bu barədə AYNA-ya Milli Məclisdən məlumat verilib.
Qeyd olunub ki, əvvəlcə Milli Məclisin Sədri Sahibə Qafarova ilə Türkiyə Böyük Millət Məclisinin Sədri Mustafa Şentop arasında təkbətək görüş keçirilib. Sonra görüş nümayəndə heyətlərinin iştirakı ilə davam edib.
