Göndərilən məhsul 300 kubmetr mişar taxtasıdır
Rusiya Fövqəladə Hallar Nazirliyi tərəfindən göndərilən daha bir humanitar yardım karvanı Qarabağa çatdırılıb. Bu barədə AYNA TASS-a istinadən bildirir.
Nazirliyin Mətbuat Xidmətinin məlumatında qeyd olunub ki, dekabrın 19-da Rusiya Fövqəladə Hallar Nazirliyinin konsolidasiya edilmiş qrupunun mütəxəssisləri Rusiya Federasiyasından humanitar yardım gətirən 7 vaqonu boşaldıblar.
“Bunlar 300 kubmetr mişar taxtası və avtokranın olduğu platformadır”, - deyə xəbərdə bildirilib.
FHN materialların artıq Xankəndinə çatdırıldığını qeyd edib. Materiallar Qarabağın fərqli yerlərinə paylanacaq.