Qarabağın erməni əhalisinin yaşadığı əraziyə ümumilikdə 47,1 mindən çox erməni qayıdıb
Dünən Ermənistandan Qarabağa 130-dan çox qaçqın qayıdıb. AYNA xəbər verir ki, bu barədə Rusiya Müdafiə Nazirliyindən bildirilib.
“Rusiya sülhməramlıları Ermənistan ərazisindən Dağlıq Qarabağa qayıdan daha bir qaçqın qrupunu müşayiət ediblər. Qayıdış İrəvan-Xankəndi avtobusu ilə həyata keçirilib”, - məlumatda qeyd edilib.
Rusiya Müdafiə Nazirliyi qeyd edib ki, hərbi əməliyyatlar başa çatandan sonra Qarabağın erməni əhalisinin yaşadığı əraziyə ümumilikdə 47,1 mindən çox erməni qayıdıb.