Onlar qarşısında 24 saat ərzində ölkəni tərk etmələri tələbi qoyulub
Qətər İranın hərbi və təhlükəsizlik attaşelərini “arzuolunmaz şəxs” elan edib və onlar qarşısında 24 saat ərzində ölkəni tərk etmələri tələbi qoyulub.
AYNA.AZ-ın xarici mediaya istinadən məlumatına görə, Qətər Xarici İşlər Nazirliyi (XİN) sosial mediada verdiyi açıqlamada bildirib ki, "səfirlikdə olan həm hərbi, həm də təhlükəsizlik attaşeləri, iki attaşe ofisində çalışanlarla yanaşı, “arzuolunmaz şəxs”dir və Qətər onlardan maksimum 24 saat ərzində ölkəni tərk etmələrini tələb edir".
Nazirlik bu addımın "İranın Qətərə qarşı təkrarlanan hücumlarına və kobud təcavüzünə cavab olaraq" atıldığını açıqlayıb.
XİN İranı "düşmən yanaşmasını" davam etdirməmək barədə xəbərdar edib. Əks halda, Qətər "suverenliyinin, təhlükəsizliyinin və milli maraqlarının qorunmasını təmin edən şəkildə" cavab verəcəyinə söz verib.