Ağdam klubu liderliyini davam etdirir
Futbol üzrə Azərbaycan Premyer Liqasında XII turun növbəti oyunu baş tutub.
AYNA xəbər verir ki, günün ilk qarşılaşması “Qarabağ” “Şamaxı” komandaları arasında keçirilib. Şamaxı şəhər stadionunda təşkil edilən oyunda qonaqlar 4:0 hesablı qələbə qazanıblar. Qolları 51 və 90+3-cü dəqiqələrdə Musa Qurbanlı, 56-cı dəqiqədə Elvin Cəfərquliyev və 90+5-ci dəqiqədə Cəlal Hüseynov (avtoqol) vurub.
Beləliklə, ardıcıl 11-ci qələbəsini əldə edən Ağdam klubu 33 xalla liderliyini davam etdirir. “Şamaxı” 4 xalla 9-cu yeri tutur.