“Alınan texnika Polşa silah sənayesindən Polşa ordusuna əla hədiyyə”
Polşa ordusu yerli istehsal olan 96 ədəd KRAB özüyeriyən haubitsa alacaq. AYNA xarici mediaya istinadən bildirir ki, bu barədə dəyəri 4 milyard dollardan çox olan müqaviləni imzalayan Polşa Milli Müdafiə Nazirliyi açıqlama yayıb.
"17 milyard zloti (4,25 milyard dollar) bu gün Polşa ordusu üçün texnikanın tədarükü ilə bağlı müqavilələrin imzalandığı məbləğdir", - nazirlikdən bildirilib.
Ölkənin Baş nazirinin müavini Vladislav Kosinyak-Kamış müqaviləni “tarixi an” adlandırıb. Onun sözlərinə görə, alınan texnika “Polşa silah sənayesindən Polşa ordusuna əla hədiyyə” olacaq.