Baş nazir Putinlə telefon danışığı zamanı İrəvanın hazırkı mərhələdə Bakı ilə birbaşa danışıqlara üstünlük verdiyini bildirib
Ermənistanın Baş naziri Nikol Paşinyan bu gün İrəvanda keçirdiyi mətbuat konfransında sülh danışıqlarını davam etdirmək üçün Azərbaycan və Ermənistan sərhədində Azərbaycan lideri İlham Əliyevlə görüşməyə hazır olduğunu bildirib. Bu barədə AYNA erməni mediasına istinadən bildirir.
Eyni zamanda, Baş nazir qeyd edib ki, Rusiya Prezidenti Vladimir Putinlə telefon danışığı zamanı İrəvanın hazırkı mərhələdə Bakı ilə birbaşa danışıqlara üstünlük verdiyini bildirib.
Paşinyan Azərbaycanla ikitərəfli iş formatını dəstəkləyərək, onun dekabrdan aprelə qədər səmərəliliyini qeyd edib.