Lavrovla Mirzoyan Baş nazirin səfərini müzakirə ediblər
Rusiya və Ermənistanın xarici işlər nazirləri Sergey Lavrov və Ararat Mirzoyan ikitərəfli və regional gündəliyin aktual məsələlərini müzakirə ediblər.
AYNA-nın xəbərinə görə, Rusiya Xarici İşlər Nazirliyinin məlumatında bildirilib ki, Ermənistanın Baş naziri Nikol Paşinyanın aprelin 19-20-də Rusiyaya rəsmi səfəri, o cümlədən ikitərəfli sənədlər paketinin imzalanmasına hazırlıq müzakirə olunub.
“Nazirlər Azərbaycan, Ermənistan və Rusiya liderləri arasında 9 noyabr 2020-ci il, 11 yanvar və 26 noyabr 2021-ci il tarixli bəyanatların icrası ilə bağlı fikir mübadiləsi aparıblar. Regionda nəqliyyat kommunikasiyalarının blokdan çıxarılması, Ermənistan-Azərbaycan sərhədlərinin müəyyənləşdirilməsi üzrə gələcək addımlar da müzakirə edilib", - məlumatda vurğulanıb.
Nazirlər həmçinin Rusiyanın yardımı ilə İrəvan və Bakı arasında sülh müqaviləsinin razılaşdırılması perspektivlərinə toxunublar.