Zaur Əliyev: “İddiaları əsaslandıracaq sənədlər, faktlar toplanılır və araşdırılması üçün hüquq-mühafizə orqanlarına təqdim edilir”
“Əgər tibb müəssisələrində ölüm faktı baş verirsə, bu, dərhal aidiyyəti qurum tərəfindən araşdırmaya götürülür. Ölümdə həkim səhlənkarlığı ilə bağlı məqam varsa, xəstəxanın səlahiyyəti ondan ibarətdir ki, həmin tibb işçisinə töhmət versin”.
AYNA xəbər verir ki, İcbari Tibbi Sığorta üzrə Dövlət Agentliyinin (İTSDA) İdarə Heyətinin sədri Zaur Əliyev bu gün YAP-ın binasında keçirdiyi mətbuat konfransında belə deyib.
“Bu, həm də qeydə alınan ölüm faktının ağırlıq dərəcəsindən asılıdır. Bu halda həmin şəxs tutduğu vəzifəsindən uzaqlaşdırıla bilər. Zəruri iddiaları əsaslandıracaq sənədlər, faktlar varsa, toplanılır və araşdırılması üçün hüquq-mühafizə orqanlarına təqdim edilir. Artıq məhkəmə-tibbi ekspertiza, Səhiyyə Nazirliyinin komisiyyaları məsələyə müdaxilə edir. Aparılan araşdırmanın yekun nəticələrinə uyğun olaraq qərar verilir”, - sədr bildirib.
Ayna.az