Alim bu gün səhər isə reanimasiya şöbəsinə köçürülüb
Fəlsəfə elmləri doktoru Niyazi Mehdi bu gün səhər yenidən reanimasiyaya yerləşdirilib. AYNA.AZ APA-ya istinadən bildirir ki, bu barədə alimin oğlu məlumat verib.
O bildirib ki, Niyazi Mehdi bir neçə gün əvvəl vəziyyətinin ağırlaşması səbəbilə yenidən xəstəxanaya yerləşdirilib: "Vəziyyəti pisləşən kimi xəstəxanaya yerləşdirmək qərarına gəldik. Bu gün səhər isə reanimasiya şöbəsinə köçürülüb".
Qeyd edək ki, yanvarın 30-u Niyazi Mehdinin vəziyyətinin pisləşməsi ilə əlaqədar ilkin məlumat yayıldı. Ailə üzvləri bildirdi ki, onun ayağında qanqrena başlayıb. Həkimlərin məsləhətləşmələrindən sonra barmağının amputasiya edilməsi qərarı verilib.
Əməliyyatdan sonra isə Niyazi Mehdinin vəziyyəti nisbətən stabilləşdi. Əməliyyatdan sonra palataya köçürülən alim fevralın 6-ı evə buraxılmışdı.