Nazirlikdən əhaliyə xəbərdarlıq: Düşmən növbəti təxribata əl atıb

Aktual

02.10.2020 - 12:13

Stasionar telefonlara FHN-nin adından yalan məlumatlar çatdıran zənglər edilir

 

Cəbhədə mövqe itirən və geri çəkilməyə məcbur olan Ermənistan növbəti təxribata əl atıb.

 

Nəqliyyat, Rabitə və Yüksək Texnologiyalar Nazirliyindən AYNA-ya bildirilib ki, cəbhəyanı bölgələrdə yaşayan vətəndaşlarımızın stasionar telefonlarına müxtəlif ölkə kodlu nömrələrdən Azərbaycan Respublikası Fövqəladə Hallar Nazirliyinin adından həqiqətə uyğun olmayan məlumatlar çatdıran zənglər daxil olur. Məqsəd, həmişəki kimi, dezinformasiya yaymaqla əhali arasında qorxu və təşviş yaratmaqdır.

 

Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti vətəndaşlarımızın diqqətinə çatdırır ki, bu məlumatlar həqiqəti əks etdirmir. Səs yazısı əlavə olunur.

 

Müəllif: Ayna.az