Hadisə Şərurun Düdəngə kəndində qeydə alınıb
Naxçıvan Muxtar Respublikasının Fövqəladə Hallar Nazirliyinin (FHN) “112” qaynar telefon xəttinə Şərur rayonunun Düdəngə kəndində fərdi yaşayış evində yanğın hadisəsinin baş verməsi barədə məlumat daxil olub.
FHN-dən AYNA-ya verilən məlumata görə, dərhal Şərur rayon Dövlət Yanğından Mühafizə Hissəsinin qüvvələri hadisə yerinə cəlb edilib. Yanğın ətraf ərazilərə yayılmasına imkan verilmədən söndürülüb.
Hadisə nəticəsində ümumi sahəsi 200 kvadratmetr yaşayış evinin 20 kvadratmetr hissəsi yanıb, 180 kvadratmetr hissəsi isə yanğından mühafizə edilib.