Mingəçevirdə ölümlə nəticələnən ağır yol qəzası olub
Dekabrın 20-si saat 19 radələrində Mingəçevir şəhəri ərazisində “Mercedes” markalı avtomobil idarəetmədən çıxaraq yolun kənarındakı iki piyadanı vurub.
DİN-in mətbuat xidmətinin Şəki regional qrupundan AYNA-ya bildirilib ki, hadisə nəticəsində piyadalardan biri - 2005-ci il təvəllüdlü Hüseynova Nazlı Rövşən qızı aldığı xəsarətlərdən vəfat edib, digər piyada Sadıqzadə İmamrza Çingiz oğlu isə xəsarət alıb.
N.Hüseynova Mingəçevir şəhər Turizm Kollecində təhsil alırmış.
Faktla bağlı araşdırma aparılır.