“Qarabağ”ın oyunu ilə bağlı metronun iş rejimində dəyişiklik edilib
“Qarabağ” Bakıda “Bayer 04” klubuna qarşı keçirəcəyi UEFA Avropa Liqasının 1/8 final mərhələsinin ilk oyununun gec saatlarda başlaması ilə əlaqədar “Bakı Metropoliteni” QSC-yə metropolitenin iş rejimində dəyişiklik edilməsi barədə müraciət ünvanlayıb. AYNA xəbər verir ki, bu barədə QSC-dən bildirilib..
Qeyd olunub ki, metropolitenin iş rejimində müvafiq dəyişiklik edib. Bakı metropoliteni martın 8-i saat 01:00-a qədər sərnişinlərin girişinə açıq olacaq.
Qeyd edək ki, martın 7-də Tofiq Bəhramov adına Respublika stadionunda keçiriləcək “Qarabağ” - “Bayer 04” oyunu saat 21:45-də başlayacaq. Komandalar arasında cavab görüşü martın 14-də Leverkuzendə təşkil ediləcək.