Dmitri Peskov: “Rusiya vətəndaşları öz təhlükəsizlikləri üçün Livanı tərk etməlidirlər”
“Hazırda Livanda olan Rusiya Federasiyası vətəndaşları təhlükəsizlik baxımından bu ölkənin ərazisini tərk etməlidirlər”. AYNA rus mediasına istinadən bildirir ki, bu sözləri Kremlin sözçüsü Dmitri Peskov brifinq zamanı deyib.
Jurnalistlər ondan Yaxın Şərq respublikasında hazırda üç mindən çox Rusiya vətəndaşının olması ilə bağlı xəbərlərə münasibət bildirməsini xahiş ediblər. Dövlət başçısının mətbuat katibi qeyd edib ki, müvafiq məlumat Moskvanın Beyrutdakı səfirliyindən və Rusiyanın konsulluq idarələrindən daxil olur.
“Biz Xarici İşlər Nazirliyimizin fəaliyyət göstərdiyi rəqəmlərlə işləyirik. Təbii ki, hazırda mövcud kommersiya daşıma imkanlarından istifadə edərək vətəndaşlarımızın Livan ərazisini tez bir zamanda tərk etmələrini tövsiyə etmək üçün bütün tədbirlər görülür”, - Peskov bildirib.
Peskov əlavə edib ki, Rusiya vətəndaşları öz təhlükəsizlikləri üçün Livanı tərk etməlidirlər.