Hərbi qulluqçularımız “Komando hazırlığı” kursunu müvəffəqiyyətlə bitiriblər
Azərbaycan ilə Türkiyə arasında imzalanmış “Hərbi təhsil sahəsində əməkdaşlıq haqqında” müqavilə çərçivəsində qardaş ölkənin İsparta şəhərində keçirilən növbəti “Komando hazırlığı” kursunu müvəffəqiyyətlə bitirən hərbçilərimiz vətənə qayıdıblar.
Bu barədə AYNA-ya Müdafiə Nazirliyinin Mətbuat Xidmətindən məlumat verilib.
Qeyd edək ki, iki qardaş ölkə arasında mövcud hərbi əməkdaşlıq çərçivəsində hərbi qulluqçularımızın müvafiq kurslarda iştirak etməsində əsas məqsəd Əməliyyat (Komando) bölmələrinin döyüş qabiliyyətinin və şəxsi heyətin peşəkarlıq səviyyəsinin daha da yüksəldilməsidir.