Prezident İlham Əliyev Sərəncam imzalayıb
Fövqəladə hallar nazirinə yeni müavin təyin edilib. AYNA xəbər verir ki, Prezident İlham Əliyev bununla bağlı müvafiq Sərəncam imzalayıb.
Sərəncama əsasən, general-mayor Adil Abdullayev fövqəladə hallar nazirinin müavini təyin olunub.
Qeyd edək ki, Adil Abdullayev buna qədər Böhran Vəziyyətlərində İdarəetmə Mərkəzinin rəhbəri vəzifəsində çalışıb.
Xatırladaq ki, Azərbaycanın fövqəladə hallar naziri Kəmaləddin Heydərovdur.