ANAMA minatəmizləmə əməliyyatları barədə aylıq məlumatı açıqlayıb
Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə həyata keçirilən minatəmizləmə əməliyyatları barədə aylıq məlumatı açıqlayıb.
ANAMA-dan AYNA-ya verilən məlumata görə, iyulun 1-dən 31-dək Kəlbəcər, Tərtər, Xocalı, Ağdam, Xocavənd, Laçın, Şuşa, Füzuli, Qubadlı, Cəbrayıl və Zəngilan rayonlarının ərazilərində aparılmış minatəmizləmə əməliyyatları zamanı piyada əleyhinə 578, tank əleyhinə 105 mina və 1028 ədəd partlamamış hərbi sursat aşkarlanaraq zərərsizləşdirilib.
Ay ərzində 6,903,27 hektar ərazi mina və partlamamış hərbi sursatdan təmizlənib.