Hadisə zamanı xəsarət alanların olmadığı bildirilir
İstanbulun Sarıyer rayonunda 11 mərtəbəli yaşayış binası çöküb. AYNA Türkiyə mediasına istinadən bildirir ki, sözügedən bina 2 il əvvəl çökmə ehtimalına görə boşaldılıb.
Hadisə zamanı xəsarət alanların olmadığı bildirilir. Lakin binanın yaxınlığındakı dayanacaqda dayanmış 3 avtomobilə ziyan dəyib.
Bölgəyə gələn Sarıyer Bələdiyyəsinin sədri Şükrü Gənc binanın 2019-cu ildə boşaldıldığını, sökülməsi üçün son sənədləşdirmə işlərinin aparıldığını bildirib.