“Bu, seçkilərə 5 dəqiqə qalmış dünyada neftin qiymətini əhəmiyyətli dərəcədə artıracaq”
İsrailin keçmiş Baş naziri, “Eş Atid” Partiyasının sədri, müxalifət lideri Yair Lapid hesab edir ki, İsrailin İrana cavab hücumunun hədəfi neft yataqları olmalıdır və bu, İran iqtisadiyyatına ciddi zərbə vuracaq. AYNA xəbər verir ki, bu barədə Lapid “Jerusalem Post”a deyib.
"Biz neft yataqlarından başlamalıyıq", deyə Lapid bildirib.
Keçmiş Baş nazxir qeyd edib ki, ABŞ administrasiyası ilə razı deyil: “Düşünmürəm ki, bu, seçkilərə 5 dəqiqə qalmış dünyada neftin qiymətini əhəmiyyətli dərəcədə artıracaq”.
Partiya lideri vurğulayıb ki, İran neftinin ixracı artıq “yarı azalıb”, lakin bu, qlobal iqtisadi böhrana səbəb olmayıb.
Eyni zamanda, İranın neft yataqlarına vurulan zərbə, onun fikrincə, İran iqtisadiyyatına ciddi ziyan vuracaq.
Bundan sonra qlobal iqtisadi böhranın qarşısını almaq üçün Lapid neft hasilatını artırmaq üçün Səudiyyə Ərəbistanı kimi digər neft hasil edən ölkələrə müraciət etməyi təklif edib.
Eyni zamanda, İranın nüvə obyektlərinə mümkün zərbəni müzakirə edən siyasətçi deyib ki, belə bir addım ABŞ kimi “daha geniş koalisiya” ilə birlikdə atılmalıdır.