"İspaniya həmişə dediyini edən etibarlı bir ölkədir, müdafiə xərcləri ÜDM-in 2 faizini təşkil edir”
İspaniyanın Xarici İşlər Naziri Xose Manuel Albarez krallığın NATO-dan çıxarılması ilə bağlı təhdidlər barədə suala gülüb.
AYNA.AZ xarici mediaya istinadən bildirir ki, XİN başçısı jurnalistlər ondan bu barədə soruşduqda qısa bir gülüşdən sonra deyib: "Gəlin ciddi olaq".
"İspaniya həmişə dediyini edən etibarlı bir ölkədir, müdafiə xərcləri ÜDM-in 2 faizini təşkil edir. Daha çox iş görəcəklərini demələrinə baxmayaraq, bütün ölkələr bu səviyyəli xərcləri ödəyə bilmir", - deyə nazir qeyd edib.
Daha əvvəl “Reuters” bir mənbəyə istinadən xəbər vermişdi ki, Pentaqon rəsmiləri ABŞ-a İrana qarşı müharibədə kömək etmək istəmədiklərinə görə müttəfiqlərini cəzalandırmaq variantlarını müzakirə ediblər. Yüksək vəzifəli şəxslər arasında yayılan bir memorandumda qeyd olunan təklif olunan variantlar arasında İspaniyanın NATO-dakı üzvlüyünün dayandırılması da var.
NATO-nun əsasını təşkil edən Şimali Atlantika Müqaviləsi heç bir ölkənin üzvlüyünün dayandırılması və ya xaric edilməsi prosedurunu nəzərdə tutmur.