Ermənilər ənənəvi ampulada: Holokost qurbanlarının xatirə memorialını “düşmənlər” təhqir ediblər
İrəvanda Holokost Qurbanlarına Xatirə Memorialı yenidən təhqir edildi. Erməni KİV-ləri xəbər verir ki, müvafiq fotoşəkili öz “Facebook” səhifəsində Beynəlxalq Humanitar İnkişaf İctimai Təşkilatının sədri Tsovinar Kostanyan yayımladı.
“Bunun bir erməni tərəfindən edildiyinə inanmaq istəmirəm”, - deyə yazan Kostanyan, vandalizm aktının “Ermənistana düşmən ölkələrin xüsusi xidmət orqanlarının qəsdən təxribatı ola biləcəyi” fikrini də önə çəkdi.
O, 44 gün davam edən İkinci Qarabağ müharibəsində yerli yəhudilərin də iştirak etdiyini və o günlərdə Yəhudi İcmasının başçısının İsrail Baş naziri Benyamin Netanyahuya, İsraili qınayan, Azərbaycana silah satışını dayandırmağı tələb edən xüsusi bir məktub göndərdiyini də əlavə etdi.
Başqa sözlə, Kostanyanın təbirincə desək, Memorialın növbəti təhqirində günahkar ermənilər yox, Ermənistana düşmən ölkələrin xüsusi xidmət orqanlarıdır. Keçən payız hadisələrini nəzərə alsaq, Kostanyanın indi hansı ölkəni ittiham etdiyini tapmaq asandır.
Bu küfrün bir erməni tərəfindən edildiyinə inanmaq istəmədiyini bəyan etsə də, faktlar bu barədə danışır. Beləliklə, “Pew Research Center” Araşdırma Mərkəzinin apardığı sosioloji sorğunun nəticələrinə görə, Mərkəzi və Şərqi Avropa ölkələri arasında Ermənistan sakinlərinin yəhudilərə qarşı ən dözümsüz olduqları ortaya çıxdı. “Pew Research Center” 2015-ci ilin iyunundan 2016-cı ilin iyuluna qədər Mərkəzi və Şərqi Avropanın 18 ölkəsində tədqiqat aparıb. Nəşr olunan məlumatlara görə, Ermənistan sakinlərinin 32%-i ölkələrinin vətəndaşları arasında yəhudiləri görmək istəmir. Bu, sorğu aparılan bütün ölkələr arasında antisemitizmin ən yüksək səviyyəsidir.
Avro-Asiya Yəhudi Konqresinin saytında yerləşdirilmiş “Ermənistanda antisemitizm (2002-2006)” hesabatında qeyd olunur ki, erməni-yəhudi münasibətləri, digər faktorlarla yanaşı, Ermənistanda Faşist Almaniyası ilə əməkdaşlıq edən general, erməni legionunun taborlarının komandiri, qatı daşnak Dronun (Drastamat Kanayan) qəhrəmanlaşdırılması ilə qaralır.
“WikiLeaks.org”, ABŞ Dövlət Departamentinin 2008-ci il sənədindən, Ermənistan mətbuatının müxalifəti, xüsusən keçmiş Prezident Levon Ter-Petrosyanı, arvadı yəhudi olduğuna görə ləkələmək üçün antisemitizmdən istifadə etdiyinə dair bir sənəddən sitatlar gətirir.
Ermənistanda da yəhudilərə qarşı “erməni soyqırımı”nda türklərə aktiv şəkildə kömək etdikləri barədə tez-tez ittihamlar səsləndirilir. Məsələn, Ermənistan Xalq Partiyasının lideri, prezidentliyə namizəd (2008) Tiqran Karapetyan birbaşa “erməni soyqırımı”nın təşkilində yəhudilərin iştirak etdiyini bildirdi. Və “Erməni-Ari Ordeni” partiyasının sədri Armen Avetisyan 2005-ci ilin yanvarında ermənilərlə yəhudilər arasında millətlərarası nifrət oyandırmaq cəhdlərinə görə həbs olundu, lakin şərti cəza ilə çıxdı.
2002-ci ilin fevralında İrəvan Yazıçılar Evində Romen Episkoposyanın erməni və rus dillərində nəşr olunan “Milli sistem” kitabının təqdimatı oldu. Bu kitabda türklərə “qatil millət”, yəhudilərə “dağıdıcı millət” deyilir. “İyirminci əsrin ən böyük saxtalaşdırılması” bölməsində müəllif, əsassız olaraq “Holokostun mif olduğunu” elan edir.
Bundan əlavə, 1918-1919-cu illərdə Azərbaycanda öldürülən və işgəncə edilən on minlərlə yəhudinin qanı erməni millətçilərinin vicdanına yazılıb. O zaman indiki Quba bölgəsi ərazisində yaşayan Dağ Yəhudiləri dinc müsəlman əhaliyə qarşı erməni dəstələri ilə ittifaqa girməkdən imtina etdilər və qan tökülməməsini təklif etdilər. Bu, erməni millətçiləri tərəfindən Azərbaycan yəhudilərinin qırılmasına səbəb oldu.
Əvvəlki dəfə, İrəvandakı Holokost Qurbanlarının Memorialı 19 oktyabr 2010-cu ildə təhqir edilmişdi. 11 il keçdi və hadisə yenidən təkrarlandı və bu, Ermənistanda hələ də çılğın antisemitizm səviyyəsinin yükəsk olduğunu göstərir.
Əlbəttə ki, Ermənistan hakimiyyət dairələrinin və ictimaiyyətinin baş verənlərdə düşmən ölkələrin gizli xidmətlərini günahlandırması ən asan yoldur, lakin yuxarıdakı faktlar Holokost qurbanlarının xatirəsini təkrar təhqir etmə hallarının fərqli bir səbəbini göstərir.
Monoetnik bir Ermənistan Azərbaycan ərazilərini uzun illər işğal altında saxlayırsa, beynəlxalq hüquq normalarına kinayə ilə yanaşır və dünyanı Dağlıq Qarabağ münaqişəsini həll etməyə çağırırsa, digər millətlərə necə dözümlü ola bilər? 1988-1989-cu illərdə Azərbaycan torpaqlarını işğal etdikdən sonra azərbaycanlıları qovan və 2016-cı ilin mayında İrəvanın mərkəzində alman nasistlərinin köməkçisi Qaregin Njdeyə abidə ucaldan ölkədən başqa hərəkətlər gözlənilməməlidir.
Qonşuları ilə necə münasibət qurmağı bilməyən Ermənistan dini və milli azlıqlara qarşı dözümlü ola bilməz. Ki, bu da Holokost qurbanlarına həsr olunmuş memorialı, məhz ermənilərin təhqir etdiyini bir daha sübut edir.