Media orqanları bunların İsrail və ya ABŞ zərbələri olub-olmadığını dəqiqləşdirməyib
ABŞ Prezidenti Donald Trampın İranın enerji sektoruna zərbələri müvəqqəti olaraq dayandıracağını açıqlamasına baxmayaraq, İrandakı bir neçə enerji infrastrukturu obyekti zərbə alıb. AYNA.AZ xəbər verir ki, bu barədə İran mediası məlumat yayıb.
Bildirilib ki, İsfahandakı qaz nəzarət binası və qaz təzyiqini tənzimləyən stansiya, eləcə də Xorrəmşəhr şəhərindəki elektrik stansiyasına gedən qaz boru kəməri zərbə alıb. İsfahanda enerji sektoru ilə əlaqəsi olmayan binalar və qonşu evlər də zərər görüb. Media orqanları bunların İsrail və ya ABŞ zərbələri olub-olmadığını dəqiqləşdirməyib.
Qeyd edək ki, 23 martda Tramp münaqişənin həlli ilə bağlı danışıqları asanlaşdırmaq üçün İranın enerji infrastrukturuna zərbələr endirmək planlarını beş günlük dondurduğunu açıqlayıb. Daha sonra o Vaşinqton və Tehran arasında dialoqun beş gün ərzində nəticə verməməsi halında ABŞ-ın İrana zərbələr endirməyə davam edəcəyi ilə hədələyib.