Qonşu ölkədə koronavirusa yoluxanların sayı sürətlə artır
İran həbsxanalarında yeni koronavirus xəstəliyinin yayılmasına qarşı mübarizə məqsədi ilə 54 mindən çox məhbus müvəqqəti olaraq azad edilib. AYNA xarici mətbuata istinadən xəbər verir ki, bunu məhkəmə sözçüsü Qulamhüseyn Esmaili deyib.
O, jurnalistlərə bildirib ki, məhbuslar COVİD-19 üçün mənfi test edildikdən sonra azadlığa çıxacaqlar. Tədbir planına görə, beş ildən çox müddətə azadlıqdan məhrum edilmiş "təhlükəsizlik məhbusları" buraxılmayacaq.
Britaniyalı bir deputatın fikrincə, həbsdə olan İngilis-İran xeyriyyə işçisi Nazanin Zagari-Ratkliffe tezliklə azad edilə bilər. Tulip Siddiq İranın İngiltərədəki səfirinə istinad edərək Zagari-Ratkliffenin sərbəst buraxıla biləcəyini söyləyib.
Məlumat üçün deyək ki, İranda koronavirusa 2336 nəfər yoluxub, son iki həftədə 77 nəfər isə ölüb. Tehranda 1043, Gilanda 218 , Qumda 253 nəfərin virusa yoluxduğu deyilir. Daha sonra Məşhəd və ona yaxın ərazilərdə yoluxma qeydə alınıb.