“Xidmətlər zərfinə kardioloji və neyroloji xidmətlər əlavə edilib”
İcbari tibbi sığorta zərfinə əhalinin daha çox ehtiyac duyduğu xəstəliklərin artırılması gözlənilir. AYNA xəbər verir ki, bu barədə İcbari Tibbi Sığorta üzrə Dövlət Agentliyinin Departament rəhbəri Vüqar Qurbanov deyib.
O bildirib ki, xidmətlər zərfinə yeniləri də əlavə ediləcək: “Xidmətlər zərfinə kardioloji və neyroloji xidmətlər əlavə edilib. Buna açıq və qapalı ürək əməliyyatları, invaziv radiologiya xidmətləri də daxildir. 2020-ci ildə İcbari Tibbi Sığorta üzrə Dövlət Agentliyi tərəfindən 2500-ə yaxın tibbi xidmət təqdim edilib. Bu sayın 3000-ə qədər artırılması nəzərdə tutulur”.
“Vətəndaşlar agentliyin təqdim etdiyi xidmətlər üzrə heç bir ödəniş etməyəcək, bunun üçün onların icbari tibbi sığorta haqqı ödəməsi kifayətdir”, - deyə qeyd edib.