İdarəetməni itirən maşın yoldan çıxaraq ağaca çırpılıb
Goranboyda ölümlə nəticələn yol-nəqliyyat hadisəsi baş verib. AYNA-nın APA-ya istinadən məlumatına görə, hadisə rayonun Yeni yol kəndində qeydə alınıb.
Hərəkətdə olan "Mercedes" markalı minik avtomobilinin sürücüsü idarəetməni itirib. Nəticədə maşın yoldan çıxaraq ağaca çırpılıb. Qəza zamanı sürücü, 1989-cu il təvəllüdlü Babayev Əli Söhbət oğlu hadisə yerində ölüb. Avtomobildə olan sərnişinlər - 1984-cü il təvəllüdlü İbrahimov Azər Tofiq oğlu və 1972-ci il təvəllüdlü Zeynalov Cabbar Kərim oğlu xəsarət alaraq xəstəxanaya yerləşdirilib. Faktla bağlı araşdırma aparılır.