Hadisə ilə əlaqədar cinayət işi açılıb
Yanvarın 10-na keçən gecə Səbail rayonunda ikimərtəbəli yaşayış binasında yanğın baş verib. Fövqəladə Hallar Nazirliyinin (FHN) mətbuat xidmətindən AYNA-ya verilən məlumata görə, yanğın nəticəsində 3 əcnəbi tələbə tüstüdən zəhərlənərək dünyasını dəyişib.
Məlumata görə, onlar “Western Caspian” Universitetinin tələbələri olan, 1997-ci il təvəllüdlü Tarukki Amaya, 1995-ci il təvəllüdlü Tausi Jayavodi və 1999-cu il təvəllüdlü Malişi Tayukidir.
Hadisə ilə əlaqədar Səbail rayon Prokurorluğunda Cinayət Məcəlləsinin 314.2 (səhlənkarlıq) maddəsi ilə cinayət işi başlanılıb.
Sosial şəbəkədə, həlak olan tələbə qızların şəkilləri yayılıb.