Türkiyə Ukrayna və Rusiya arasında danışıqları dəstəkləməyə davam edəcək
Türkiyə Prezidenti Rəcəb Tayyib Ərdoğan Ukrayna lideri Volodimir Zelenski ilə danışıqlar zamanı Qara dənizdə təhlükəsiz naviqasiyanın təmin edilməsinin vacibliyini vurğulayıb.
AYNA.AZ xəbər verir ki, Türkiyə Prezidentinin ofisinin veb saytında yer alan məlumata görə, "görüş zamanı Prezident Ərdoğan bildirib ki, Türkiyə Ukrayna və Rusiya arasında danışıqları dəstəkləməyə davam edəcək, çünki bölgəmizin daha çox sülh və sabitliyə ehtiyacı var".
Ərdoğan əlavə edib ki, Ankara enerji təchizatı təhlükəsizliyinin təmin edilməsini vacib hesab edir və Qara dənizdə gəmilərin təhlükəsizliyinə böyük əhəmiyyət verir.