Ərdoğan Bakıya gəlir – <font color=red> Tarix açıqlandı</font>

Xəbərlər

09.08.2019 - 14:43

Türkiyəli lider Türk Şurasının Bakıda keçiriləcək VII iclasında iştirak etmək üçün səfər edəcək

 

Türkiyə Prezidenti Rəcəb Tayyib Ərdoğan oktyabrın 3-də Azərbaycana səfər edəcək.

 

AYNA xəbər verir ki, bu barədə Trend-ə Türkiyə hökumətindəki mənbə bildirib.

 

Mənbənin sözlərinə görə, türkiyəli lider Türk Şurasının Bakıda keçiriləcək VII iclasında iştirak etmək üçün, eləcə də qurumun 10 illiyinə həsr olunmuş tədbirə qatılmaq üçün Azərbaycana səfər edəcək.

 

Qeyd edək ki, Türk Şurası 2009-cu il oktyabrın 3-də Naxçıvanda yaradılıb. Şuranın məqsədi üzv dövlətlər arasında hərtərəfli əməkdaşlığı inkişaf etdirməkdir.

 

Türk Şurasına Azərbaycan, Türkiyə, Qazaxıstan, Özbəkistan və Qırğızıstan daxildir.

Müəllif: Ayna.az