Cəsarət Valehov vəzifəsindən azad olunub

Xəbərlər

08.12.2023 - 18:39

Nazirliyin aparatının strukturunda dəyişiklik edilib

Elm və Təhsil Nazirliyinin İctimaiyyətlə əlaqələr sektorunun müdiri Cəsarət Valehov vəzifəsindən azad olunub.

AYNA xəbər verir ki, qurumun aparatının strukturunda dəyişiklik edilib, yeni təyinatlar olub.

Lakin C.Valehovun adı Elm və Təhsil Nazirliyində vəzifəyə yeni təyin olunan şəxslərin siyahısında yer almayıb.

Dəyişikliyə əsasən, nazirliyin İctimaiyyətlə əlaqələr və kommunikasiya şöbəsi yaradılıb və ora Səbuhi Rzayev müdir təyin olunub. O, bundan əvvəl nazirliyin İnformasiya və vətəndaşlara xidmət şöbəsinin müdir müavini vəzifəsində çalışıb.

C.Valehov özünün feysbuk hesabında yazıb: "Yaxın günlərdə yeni iş fəaliyyətimlə bağlı məlumat verəcəyəm".

Müəllif: Ayna.az