Cəlilabadda yol qəzası olub, 3 nəfər xəsarət alıb

Qəza nəticəsində xəsarət alanlar rayon xəstəxanasına aparılıblar

Cəlilabad rayonda ağır yol qəzası baş verib. AYNA-nın "Report"a istinadən məlumatına görə, hadisə köhnə Ələt-Astara magistralının Cəlilabadın Qarazəncir kəndindən keçən hissəsində qeydə alınıb.

Belə ki, hadisə zamanı iki “Mercedes” markalı avtomobil toqquşub.

Qəza nəticəsində üç nəfər - Əqidə Fətəliyeva, Muxtar Zeynalov və Ceyhun Ağayev xəsarət alıblar.

Onlar rayon xəstəxanasına aparılıblar. Faktla bağlı araşdırma aparılır.