Keçmiş Prezident 2000-ci ildə Türkiyədə müalicə aldığı xəstəxanada vəfat edib
Milli Azadlıq Hərəkatının lideri, keçmiş Prezident Əbülfəz Elçibəyin vəfatından 20 il keçir. AYNA xəbər verir ki, Ə.Elçibəy xərçəng xəstəliyindən 2000-ci il avqustun 22-də müalicə aldığı Türkiyədəki Gülhanə Hərbi Tibb Akademiyasında vəfat edib. Onun nəşi Bakıya gətirilərək Birinci Fəxri xiyabanda dəfn edilib.
Qeyd edək ki, Ə.Elçibəy 24 iyun 1938-ci ildə Naxçıvanın Ordubad rayonunun Kələki kəndində anadan olub. 1957-ci ildə Azərbaycan Dövlət Universitetinin Şərqşünaslıq fakültəsinin ərəb filologiyası şöbəsinə daxil olub.
Azərbaycanda başlayan xalq hərəkatının liderlərindən, Azərbaycan Xalq Cəbhəsini yaradanlardan biri və ilk sədri olub.
Prezident seçildikdən bir il sonra - 1993-cü ilin iyununda isə Gəncədə başlayan qiyam nəticəsində Bakını tərk edərək Kələkiyə köçüb.
Milli Məclisin qərarı ilə səlahiyyətləri ləğv edilən Elçibəy fəaliyyətini Azərbaycan Xalq Cəbhəsi Partiyasının sədri kimi davam etdirib.