Oyunda qolların müəllifi Mateus, Mikel Oyarzabal və Malkom olublar
Avqustun 7-də “Tokio-2020” XXXII Yay Olimpiya Oyunlarında kişilər arasında futbol yarışının final görüşü keçirilib.
AYNA xəbər verir ki, Olimpiadanın finalında Braziliya və İspaniya komandaları üz-üzə gəliblər. Görüş Cənubi Amerika ölkəsinin 2:1 hesablı qələbəsi ilə başa çatıb, Braziliya yığması ardıcıl ikinci dəfə Olimpiya çempionu olub.
Qolların müəllifi Mateus (Braziliya), Mikel Oyarzabal (İspaniya) və Malkom (Braziliya) olublar.
Qadınların yarışında isə Kanada seçməsi çempion adını qazanıb.
Xatırladaq ki, “Rio-2016”da kişilərin futbol yarışında Braziliya, qadınların mübarizəsində Almaniya yığmaları çempion adını qazanıblar.