Ukrayna ordusunun hücumu nəticəsində bir infrastruktur obyektinə ciddi ziyan dəyib
Belqorod gecə Ukrayna Silahlı Qüvvələrinin raket zərbəsinə məruz qalıb. AYNA.AZ xəbər verir ki, bu barədə Belqorod vilayətinin qubernatoru Vyaçeslav Qladkov özünün “Telegram” kanalında yazıb.
Bildirib ki, ilkin məlumatlara görə, itki yoxdur. Lakin hücum nəticəsində bir infrastruktur obyektinə ciddi ziyan dəyib.
Qubernator yazıb: "Ukrayna Silahlı Qüvvələri Belqoroda raket zərbəsi endirib. Bir infrastruktur obyektinə ciddi ziyan dəyib".
Ukrayna Silahlı Qüvvələrinin Belqorod bölgəsindəki infrastruktur obyektlərinə raket hücumu şəhərin xidmətlərində ciddi fasilələrə səbəb olub.
Qladkov bildirib ki, bölgədəki altı bələdiyyədə 556.000 insan elektrik enerjisiz qalıb və oxşar sayda insan evlərində istiliksiz qalıb.