Tibbi yardım xidməti gələnə qədər sərnişin dünyasını dəyişib
Bakı Metropoliteninin əməkdaşı metroda vəfat edib. AYNA xəbər verir ki, bu barədə “Bakı Metropoliteni” QSC-nin Mətbuat Xidmətinin rəisi Bəxtiyar Məmmədov məlumat verib.
Onun sözlərinə görə, Elmlər Akademiyası” stansiyası istiqamətində “Dərnəgül-Həzi Aslanov” marşrutu ilə hərəkət edən qatarın maşinistinə bir sərnişinin özünü pis hiss etməsi barədə məlumat daxil olub. Dərhal müvafiq tədbirlər görülüb, o cümlədən təcili tibbi yardım xidməti dəvət edilib, sərnişin stansiyada düşürülüb, ilkin yardım göstərilib.
B.Məmmədov bildirib ki, tibbi yardım xidməti gələnə qədər sərnişin dünyasını dəyişib: “Vəfat edən sərnişin Bakı Metropoliteninin Tunel Qurğuları Xidmətinin əməkdaşı 1959-cu il təvəllüdlü Kamil Zeynalov olub”.