Azərbaycan və İsrail müdafiə nazirləri arasında telefon danışığı olub

Xəbərlər

01.02.2023 - 11:21

Telefon danışığı israilli nazirin təşəbbüsü ilə baş tutub

Fevralın 1-də Azərbaycanın müdafiə naziri general-polkovnik Zakir Həsənovla İsrailin müdafiə naziri Yoav Qallantın telefon danışığı olub. AYNA xəbər verir ki, bu barədə Müdafiə Nazirliyindən məlumat verilib.

Telefon danışığı israilli nazirin təşəbbüsü ilə baş tutub.

Azərbaycan-İsrail əlaqələrinin dostluq və qarşılıqlı etimada əsaslandığını vurğulayan Y.Qallant ölkələrimiz arasında mövcud münasibətlərdən məmnunluğunu ifadə edib. General-polkovnik Z.Həsənov Y.Qallantı İsrail Dövlətinin müdafiə naziri təyin olunması münasibətilə təbrik edərək ölkələrimiz arasında hərbi sahədə əməkdaşlığın genişlənəcəyinə əminliyini bildirib.

Danışıq zamanı tərəflər baş verən terror hadisələrini kəskin qınayıb, regional təhlükəsizlik məsələlərini, eləcə də ölkələrimiz arasında hərbi-texniki əməkdaşlığın perspektivlərini müzakirə ediblər.

Müəllif: Ayna.az