Aviaşirkətləri Moskva-Bakı marşrutu ilə həftədə iki uçuş həyata keçirə biləcəklər
Bu gündən etibarən Rusiya Azərbaycanla müntəzəm aviareysləri bərpa edir. AYNA qonşu ölkə mediasına istinadən bildirir ki, qərar 3 fevral tarixində Rusiyanın Baş naziri tərəfindən imzalanıb.
Hər iki ölkənin aviaşirkətləri Moskva-Bakı marşrutu ilə həftədə iki uçuş həyata keçirə biləcəklər. Rusiyanın “Aeroflot” aviaşirkəti ötən həftə bildirib ki, fevralın 17-dən etibarən Bakıdan həftədə iki uçuş həyata keçirməyi planlaşdırır.
Qeyd edək ki, pandemiya səbəbindən ölkələr arasında aviauçuşlar keçən ilin martından dayandırılıb.