Azərbaycan tərəfi missiyanın fəaliyyətini diqqətlə izləyir
Avropa İttifaqının (Aİ) Ermənistanın Azərbaycanla sərhədində dislokasiya olunmuş Monitorinq Missiyası Zəngilan rayonu istiqamətində fəaliyyətini gücləndirib.
AYNA “Report”a istinadən xəbər verir ki, əldə olunan görüntülərə görə, Aİ missiyasının karvanı Ermənistanla Azərbaycan arasındakı şərti sərhədə doğru hərəkət edir.
Azərbaycan tərəfi missiyanın fəaliyyətini diqqətlə izləyir.
Qeyd edək ki, Azərbaycan dəfələrlə missiyanın fəaliyyətindən narazılığını bildirib, onun Bakı ilə koordinasiya olmadan fəaliyyət göstərdiyini bildirib.