“Biz öz resurslarımızı "Tramp marşrutu" layihəsi çərçivəsində yatırmağa hazırıq"
Avropa İttifaqı (Aİ) “Tramp marşrutu” layihəsinə (TRIPP - Zəngəzur dəhlizinin Ermənistan ərazisindən keçəcək 42 kilometrlik hissəsi) əlaqəni təşviq etmək üçün öz alətlərini təqdim etməyə hazırdır. AYNA.AZ “Armenpress”ə istinadən xəbər verir ki, bu barədə jurnalistlərə Aİ-nin Ermənistandakı səfiri Vasilis Maraqos bildirib.
"Avropa İttifaqı avqustun 8-də Vaşinqtonda keçirilən tədbirləri və görüşləri alqışladı və biz bu təşəbbüsləri və qarşılıqlı fəaliyyəti dəstəkləməyə hazır olduğumuzu bildirdik. Biz öz resurslarımızı "Tramp marşrutu" layihəsi çərçivəsində yatırmağa hazırıq", - Maraqos bildirib.
Səfir əlavə edib ki, Aİ Cənubi Qafqazda sülhü dəstəkləyir: “Biz sülhün gəlişindən çox məmnunuq”.