"Avropa İttifaqı regionda əlaqənin inkişafında və Ermənistanla Türkiyə arasında tam normallaşma yolunda atılan addımı tam dəstəkləyir"
Gümrü-Qars dəmir yolunun bərpası və yenidən açılması üzrə Ermənistan-Türkiyə Birgə İşçi Qrupunun dünənki iclasını səmimi qəlbdən alqışlayırıq. AYNA.AZ xəbər verir ki, bu barədə Aİ-nin Cənubi Qafqaz üzrə xüsusi nümayəndəsi Maqdalena Qrono öz sosial şəbəkə hesabında yazıb.
Aİ-nin xüsusi nümayəndəsi həmçinin Ermənistan Xarici İşlər Nazirliyinin (XİN) iclasla bağlı açıqlamasını dərc edib.
O qeyd edib ki, "Avropa İttifaqı regionda əlaqənin inkişafında və Ermənistanla Türkiyə arasında tam normallaşma yolunda atılan bu vacib yeni addımı tam dəstəkləyir".
Qüeyd edək ki, dünən Gümrü-Qars dəmir yolunun bərpası və yenidən açılması üzrə Ermənistan-Türkiyə Birgə İşçi Qrupunun iclası keçirilib.