Bu, sərtləşdirilmiş immiqrasiya siyasəti fonunda rekord göstəricidir
2025-ci ilin dekabr ayının əvvəlindən bəri təxminən 5000 əcnəbi Argentinadan çıxarılıb və ya ölkəyə girişinə icazə verilməyib. Bu, rekord göstəricidir. AYNA.AZ xarici mediaya istinadən bildirir ki, bu barədə Baş nazir Manuel Adornin deyib.
"Son iki ay ərzində təxminən 5000 əcnəbi ölkədən çıxarılıb, ölkəyə girişinə icazə verilməyib, saxlanılıb və ya deportasiya edilib. Sərhəddə, limanlarda və hava limanlarında nəzarətin gücləndirilməsi sayəsində bunlar rekord rəqəmlərdir", - deyə o bildirib.
Adorninin sözlərinə görə, dekabr ayında 2400 əcnəbi, yanvar ayının əvvəlindən isə 2300 əcnəbi ölkədən çıxarılıb və ya ölkəyə girişinə icazə verilməyib.
2025-ci ilin may ayında Argentina Prezidenti Xavyer Miley ölkənin immiqrasiya qanunlarını, o cümlədən ölkəyə giriş və vətəndaşlıqla bağlı qanunları sərtləşdirən fərman imzalayıb. Yeni qayda həmçinin Argentinada cinayət törətmiş əcnəbilərin deportasiyasını sadələşdirib.