Tramvay boş olduğundan yanğın nəticəsində xəsarət alan olmayıb
Hollandiyanın paytaxtı Amsterdamda onlarla insan iğtişaş törədib, tramvayı yandırıblar. AYNA xəbər verir ki, bu barədə “De Telegraaf” qəzeti məlumat yayıb.
“Onlarla nəfərdən ibarət böyük qrup paytaxt sakinlərini narahat edib, atəşfəşanlıq edib, tramvayın alışmasına səbəb olub. Polis asayişi bərpa etmək üçün hadisə yerinə gəlib. Etirazçılar Fələstini azad etməyə çağırıblar”, - deyə hüquq-mühafizə orqanlarının nümayəndələri qəzetə bildiriblər.
Yanğın tezliklə söndürülüb. Nəşrin məlumatına görə, tramvay boş olduğundan yanğın nəticəsində xəsarət alan olmayıb.
Noyabrın 8-də üzlərində Fələstin bayraqları olan maskalı şəxslər Amsterdamda İsrail futbol komandasının Avropa Liqası çərçivəsində “Ayaks”a qarşı keçirdiyi oyunda uduzduqdan sonra israillilərə hücum ediblər.